У Бярозе за ўдзел у пратэстах у калонію адправілі яшчэ чатырох чалавек
У судзе Бярозаўскага раёна агучылі другі за апошні час прысуд за ўдзел у акцыі пратэсту з 10 на 11 жніўня 2020 года ў горадзе, піша «Вясна».
Паводле ч. 1 арт. 342 Крымінальнага кодэкса (актыўны ўдзел у дзеяннях, што груба парушаюць грамадскі парадак) да паўтара года калоніі асудзілі адразу чатырох чалавек — Мікалая Кулака, Ігара Яўменава (Куля), Андрэя Рыбакова, Віктара Данілюка. Справу разглядала Людміла Рудзіна.
Нагадаем, што 28 жніўня ў Бярозе асудзілі першых чатырох чалавек за ўдзел у акцыях пратэсту ў ноч з 10 на 11 жніўня. Усім прызначылі калонію.