Мінадукацыі выкінула з формаў беларускай дзяржаўнасці БНР
Каманда маніторынгу па адукацыі @iSANS_Belarus звярнула ўвагу на новы інструктыўна-метадычны ліст, які Міністэрства адукацыі штогод публікуе перад пачаткам новага навучальнага года. Гэтым разам у ім быў апублікаваны і дадатак па школьным прадмеце «Гісторыя», дзе пералічаныя змены, унесеныя ў навучальныя праграмы, піша «МотолькоПомоги».
Адным з асноўных новаўвядзенняў у навучальных праграмах па гісторыі Беларусі з'яўляецца патрабаванне да вучняў ведаць асноўныя формы дзяржаўнасці на тэрыторыі Беларусі. Туды ўключаныя ўсе формы знаходжання тэрыторыі Беларусі ў складзе Расійскай імперыі і нават Літбел.
Пры гэтым абсалютна свядома Мінадукацыі выключыла з формаў беларускай дзяржаўнасці Беларускую Народную Рэспубліку. На думку Міністэрства адукацыі, адразу пасля знаходжання тэрыторыі Беларусі ў складзе Расійскай імперыі беларуская дзяржаўнасць была аформленая праз стварэнне ССРБ.