Каля мяжы Польшчы з Беларуссю агрэсіўная моладзь атакавала польскіх вайскоўцаў ВІДЭА

У сеціва трапілі запісы, на якіх відаць агрэсіўную моладзь, якая напала на польскіх вайскоўцаў у ноч з суботы на нядзелю ў мясцовасці Вычулкі (гэта ў Сямяціцкім павеце), піша выданне O2.pl.

Скрыншот з відэа

На запісах чутныя абразлівыя і пахабныя выкрыкі, якія нападнікі кіравалі ў бок вайскоўцаў. Яны выкрыквалі, у прыватнасці, «je*** psy» («е**ць сабак») і «wyp*****» («прэч адсюль»).

Акрамя таго, былі зафіксаваныя пляўкі і штурханіна. Напрыканцы, калі вайскоўцы з'язджалі, адна з дзяўчат задрала бялізну і паказала ім голы зад.

Цяпер па гэтым эпізодзе вядзецца расследаванне, паліцыя спрабуе ідэнтыфікаваць асоб на запісах. Апыталі ўжо 17 чалавек.

Каментары да артыкула