У Мінску прадаецца 3-павярховая кватэра ў таўнхаусе. Колькі хочуць за яе?
Кватэра нятанная, але ў пераліку на квадратны метр усё выглядае больш дэмакратычным.
У Мінску прадаецца пяціпакаёвая кватэра ў таўнхаусе: 3-павярховым доме на некалькі кватэр. Агульная плошча кватэры складае 250 квадратных метраў, з якіх 120 кв. м — жылая; плошча кухні — 32 кв. м. Аб'яву заўважыла выданне «Блізка».
Кватэра знаходзіцца на вуліцы Лазо ў Сельгаспасёлку (побач з Зялёным Лугам).
У кватэры пяць пакояў, тры паверхі, тры балконы, тры санвузлы.
На першым паверсе размешчаны гараж, кухня (з выхадам на лоджыю), санвузел. На другім паверсе — гасцёўня (з выхадам на балкон), спальня, гардэробная, яшчэ адзін санвузел. На трэцім — тры прасторныя пакоі і яшчэ адзін санвузел.
Кватэра прапануецца на продаж з усёй мэбляй і бытавой тэхнікай.
За кватэру хочуць атрымаць крыху больш за 833 тысячы рублёў, або 260 тысяч долараў у эквіваленце. Такім чынам, кошт аднаго квадратнага метра складае 1040 долараў.
Чытайце таксама:
Якую маёмасць нажылі экс-банкірка Ермакова і дзве яе дачкі
У Мінску прадаецца кватэра з уласным кінатэатрам. На яе ўжо прапануюць зніжку 50 тысяч даляраў