У Беларусь прыехаў міністр нацыянальнай абароны Экватарыяльнай Гвінеі
Пачаўся афіцыйны візіт у Беларусь міністра нацыянальнай абароны Рэспублікі Экватарыяльная Гвінея дывізіённага генерала Віктарыяна Бібанга Нсуэ Акома.
Фота: Мінабароны
На цырымоніі афіцыйнай сустрэчы міністр абароны Беларусі генерал-лейтэнант Віктар Хрэнін вітаў афрыканскага калегу, паведамляе беларускае Мінабароны ў сацсетках.
Бакі працягнулі размовы на перамовах у складзе дэлегацый у Цэнтральным Доме афіцэраў. У ходзе сустрэчы абмяркоўваліся перспектывы развіцця беларуска-экватагвінейскага ваеннага супрацоўніцтва.
Пасля перамоў кіраўнікі абаронных ведамстваў аддадуць даніну памяці загінулым у гады Вялікай Айчыннай вайны, усклаўшы кветкі да манумента Перамогі на плошчы Перамогі ў Мінску.
Нагадаем, што Лукашэнка на чале з беларускай дэлегацыяй наведваў Экватарыяльную Гвінею ў верасні мінулага года.
Чытайце таксама:
Аграгарадок, завод, пастаўка тэхнікі. Пра што дамовіліся Лукашэнка і Мбасога
Сярод тых, хто сустракаў Лукашэнку ў Экватарыяльнай Гвінеі, быў і Віктар Шэйман