У Гомелі прадаюць супермаркет «Алмі» за $4,5 мільёна

Буйны супермаркет гандлёвай сеткі «Алмі» выставілі на таргі ў Гомелі. Аб'ява пра гэта з'явілася на пляцоўцы Kufar.by.

Фота: kufar.by

Гаворка ідзе пра супермаркет па вуліцы Сухога ў Гомелі. Яго плошча — 4,5 тыс. кв. м.

За краму хочуць 14,5 млн рублёў, або прыкладна $4,5 млн. Кошт «квадрата» нерухомасці склаў $1 тыс.

Як сказана ў паведамленні, аб'ект размешчаны ў зоне з высокім пешаходным і аўтатрафікам, знаходзіцца на галоўнай магістралі горада.

У студзені з'явілася інфармацыя, што ў кампаніі «Юніфуд», якой належыць сетка «Алмі», узніклі праблемы, і яна мае намер трансфармаваць свой бізнэс. Як распавялі ў МАРГ, расійскі ўласнік пакіне частку крам «Алмі», а нерэнтабельныя здасць у арэнду іншым гандлёвым сеткам.

Каментары да артыкула