У беларускіх калоніях зняволеных сцерагуць беспілотнікі
«Эфектыўна выконваюць пастаўленыя задачы».
Намеснік міністра — камандуючы ўнутранымі войскамі Мікалай Карпянкоў расказаў, што мінулы год прайшоў пад знакам нарошчвання патэнцыялу, які «дазваляе эфектыўна выканаць ускладзеныя задачы ў агульнай сістэме нацыянальнай бяспекі».
Ён таксама расказаў, што ў калоніях зняволеных сцерагуць беспілотнікі.
«Забяспечана надзейная ахова папраўчых калоній, канваяванне асуджаных і асоб, якія ўтрымліваюцца пад вартай. Для павышэння якасці выканання канвойных задач у сістэму аховы калоній укаранілі беспілотныя лятальныя апараты. Прыярытэтным напрамкам было і застаецца ахова правапарадку і гарантаванне грамадскай бяспекі», — распавёў высокі міліцэйскі начальнік.
Ён таксама дадаў, што для абароны дзяржаўнай мяжы прыцягвалася звыш сямі тысяч вайскоўцаў: затрымана больш за 40 парушальнікаў, выяўлена звыш 300 незаконных мігрантаў.
Чытайце таксама:
Знялі дырэктара вытворчасці калоніі ў Бабруйску — Белпол
«Калі ён стане міністрам, Кубракоў падасца пацанёнкам». Гісторыя жыцця Мікалая Карпянкова