Такер Карлсан назваў дату выхаду інтэрв'ю з Пуціным
Такер Карлсан абвясціў, што яго інтэрв'ю з Пуціным выйдзе ў ноч на 9 лютага па маскоўскім часе. Раней WSJ пісала, што ён апублікуе інтэрв'ю 8 лютага.
Такер Карлсан. Фота: AP Photo / Lynne Sladky, File
Інтэрв'ю з прэзідэнтам Расіі Уладзімірам Пуціным будзе апублікавана ў 2:00 9 лютага па Маскве (супадае з мінскім часам), паведаміў амерыканскі тэлевядоўца ў сваім інстаграме.
«Такер бярэ інтэрв'ю ў прэзідэнта Расіі Уладзіміра Пуціна. Выйдзе заўтра ў 18:00 па ўсходнім часе», — падпісаў ён публікацыю.
Інтэрв'ю выйдзе на яго сайце. Раней The Wall Street Journal пісала, што яно будзе апублікавана 8 лютага.
Карлсан прыляцеў у Маскву 1 лютага. Пазней ён апублікаваў відэапаведамленне, у якім абвясціў, што мае намер узяць інтэрв'ю ў Пуціна. Ён патлумачыў гэтае рашэнне тым, што амерыканцы «не маюць уяўлення» пра тое, што адбываецца ў Расіі і ва Украіне. Са слоў тэлевядоўцы, заходнія СМІ з лютага 2022 года «не патурбаваліся» ўзяць інтэрв'ю ў расійскага прэзідэнта, піша РБК.
Чытайце таксама:
Скандальны журналіст Такер Карлсан прыляцеў у Маскву, каб узяць інтэрв'ю ў Пуціна
Пяскоў пацвердзіў, што журналіст Такер Карлсан узяў інтэрв'ю ў Пуціна