У Віцебску паводле дзвюх «адміністратывак» асудзілі мастачку
У сённяшнім раскладзе суда Чыгуначнага раёна было заўважана імя Наталлі Дзямшовай — мастачкі, выкладчыцы дзіцячай мастацкай школы, менеджара сумесных выстаў мастакоў Латвіі ў Беларусі, удзельніцы многіх выстаў і пленэраў.
Жанчыне паставілі ў віну адразу два артыкулы:
- 24.23 ч. 1 (несанкцыянаваныя мерапрыемствы);
- 19.11 ч. 2 (распаўсюджванне экстрэмісцкіх матэрыялаў).
Судзіць мастачку павінна была суддзя Вольга Шапавал. Аднак вынік суда невядомы, піша тэлеграм-канал «Віцебск, я гуляю».