Футбаліст зборнай, які некалі лічыўся надзеяй Беларусі, перабраўся ў казахстанскі клуб
А раней у кар'еры Мікіты Корзуна былі кіеўскае «Дынама», Саудаўская Аравія і Партугалія.
Футбаліст зборнай Беларусі Мікіта Корзун падпісаў кантракт з клубам «Еліма», які дэбютуе ў вышэйшым дывізіёне Казахстана.
Мікіта Корзун, фота Sport5.by
Спартсмену цяпер 28 гадоў, некалі ён лічыўся адным з самых перспектыўных футбалістаў краіны. У 2013, гуляючы за мінскае «Дынама», атрымаў узнагароду «Футбольная надзея Беларусі».
Корзун спрабаваў замацавацца ў кіеўскім «Дынама», але не атрымалася.
Цікава, што падчас украінскага перыяду кар'еры Мікіта атрымліваў у падарунак ад фанатаў майку з нацыянальнай беларускай сімволікай.
З кіеўскага «Дынама» футбаліст сыходзіў у арэнды ў клубы Саудаўскай Аравіі і Партугаліі, а мінулы сезон правёў у салігорскім «Шахцёры».
За зборную Беларусі Корзун правёў 22 матчы.
Чытайце таксама:
БАТЭ за два дні пакінулі восем футбалістаў
Футбольнай зборнай Беларусі дазволілі згуляць два матчы на сваім полі