Зяленскі назваў колькасць сухапутных войскаў Украіны
Колькасць сухапутных войскаў Украіны на гэты момант складае больш за 600 тысяч вайскоўцаў, паведаміў украінскі лідар Уладзімір Зяленскі ў тэлеграм-канале.
Уладзімір Зяленскі. Фота: Офіс прэзідэнта
«Сухапутныя войскі Украіны. Больш за 600 тыс. воінаў розных родаў войскаў», — напісаў ён.
У лістападзе былы кіраўнік прэс-службы Генштаба УСУ Уладзіслаў Селязнёў казаў, што ўсяго ва ўкраінскім войску служыць 1,3 млн чалавек.
Міністр абароны Украіны Рустэм Умераў 6 верасня адзначаў, што колькасць УСУ з лютага мінулага года павялічылася больш чым у тры разы, з 261 тыс. да больш за 800 тыс. чалавек.
«Больш за 1 млн чалавек сёння ў сектары бяспекі і абароны, з іх больш за 800 тыс. — УСУ», — казаў ён.
Да пачатку вайны ва УСУ служылі каля 200 тысяч чалавек (з іх у сухапутных войсках 126 тыс.), а ўсяго ў арміі было занята 255 тыс. чалавек.