«Беларускі Гаюн» папярэджвае пра фэйкавых ботаў, што пішуць ад яго імя
Праект анлайн-маніторынгу ваеннай актыўнасці на тэрыторыі Беларусі «Беларускі Гаюн» паведамляе, што ад фэйкавых ботаў беларусам пачалі прыходзіць паведамленні.
Фэйкавыя і адзіны арыгінальны боты праекта «Беларускі Гаюн»
«Беларускі Гаюн» звяртае ўвагу на тое, што ён сам ніколі і нікому не піша першым, а адзіным яго ботам у тэлеграме з'яўляецца @HajunBYbot.
Ні ў якім разе не адказвайце на паведамленні ад фэйкавых ботаў, заўсёды правярайце ад каго прыйшло паведамленне.
Фэйкавы бот «Еўрарадыё»
Беларусам сёння прыходзілі паведамленні і ад фэйкавых акаўнтаў рэдакцый незалежных беларускіх СМІ. У прыватнасці, пра гэта паведаміла «Еўрарадыё». Высокая верагоднасць, што за фэйкавымі ботамі стаяць сілавікі рэжыму Лукашэнкі, якія аналагічным чынам стваралі фэйкавыя боты плана «Перамога», за рэгістрацыю ў якіх пасля саджалі людзей у турмы.