Першы энергаблок БелАЭС зноў адправяць на рамонт
Першы энергаблок БелАЭС будзе выведзены ў планава-папераджальны рамонт у першай палове кастрычніка.
Фота: Наша Ніва
Прадугледжваецца правядзенне рэгламентных работ, у тым ліку па перагрузцы ядзернага паліва ў актыўную зону рэактара.
«Адпрацаванае ядзернае паліва будзе змешчанае ў басейн вытрымкі, які знаходзіцца ў будынку рэактара, а свежае ядзернае паліва загружанае ў рэактар — яно ўжо пастаўлена на станцыю, прайшло ўваходны кантроль, знаходзіцца ў спецыяльным сховішчы»,— адзначыў міністр энергетыкі Віктар Каранкевіч.
Да планавага рамонту будуць прыцягнутыя беларускія і расійскія арганізацыі.