Закрываюць беларускае пасольства ў Славакіі
У Нацыянальным рэестры прававых актаў 11 верасня зарэгістравалі пастанову ўрада № 593 ад 8 верасня «Аб закрыцці пасольства Рэспублікі Беларусь у Славацкай Рэспубліцы». Дакумент уступіць у сілу 12 верасня.
Фота: Artur Widak/NurPhoto via Getty Images
З 1 верасня беларусы, якія стаяць на консульскім уліку ў беларускім пасольстве ў Славакіі, пераводзяцца на консульскі ўлік у пасольства Рэспублікі Беларусь у Аўстрыі. Гэта вынікае з аб'явы на сайце амбасады, датаванай 15 жніўня.
Цяпер інтарэсы рэжыму Лукашэнкі ў Славакіі прадстаўляе часовы павераны ў справах Ігар Лятун.
Да жніўня 2020 года надзвычайным і паўнамоцным паслом Беларусі ў Славакіі быў Ігар Ляшчэня, які пасля пачатку пратэстаў у Беларусі перайшоў на бок народа.
Чытайце таксама:
Каманда Ціханоўскай у «пастаянным кантакце» з урадамі краін, дзе жывуць беларусы — Рыхтэр
Польскі дэпутат: Абавязкова знойдзецца рашэнне, каб беларусы маглі заставацца ў Польшчы