У Магілёве затрымалі былога дырэктара музея
Праваабарончы рэсурс Mayday team на падставе сваіх крыніц паведаміў, што раніцай 28 ліпеня ў сябе дома быў затрыманы гісторык, былы дырэктар Музея гісторыі Магілёва Аляксей Бацюкоў. Прычыны затрымання невядомыя.
Раней Бацюкова затрымлівалі ў 2020 годзе за «ўдзел у несанкцыянаваным масавым мерапрыемстве». Тады суд прызначыў яму штраф.
У студзені 2021 года з Аляксеем Бацюковым, які на той момант займаў пасаду дырэктара Музея гісторыі Магілёва, не працягнулі працоўнага кантракта.
Калі вы ведаеце больш, пішыце рэдактару «Нашай Нівы» ў ТГ, на nivanasha@gmail.com ці nivanasha@proton.me.
Альбо пішыце асабіста тым журналістам і рэдактарам «Нашай Нівы», якіх вы ведаеце і якім давяраеце (лепш — у сігнал ці тэлеграм).
Масавыя палітычныя рэпрэсіі ў Беларусі працягваюцца з 2020 года, калі Аляксандр Лукашэнка, мяркуючы са звестак з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў уладу.
З 2022 года, пасля нападу Расіі на Украіну, беларусаў пачалі пераследаваць і за антываенныя выказванні або сімпатыі да Украіны.
За гэты час у краіне адбылося не менш за 50 тысяч палітычна матываваных затрыманняў, заведзена не менш за 12 тысяч палітычна-крымінальных спраў і адкінутыя нават самыя базавыя нормы законнасці і маралі.
Чытайце таксама:
ГУБАЗіК пахваліўся, што затрымаў хлопца праз кадры з фільма Мамінава
У Мінску адразу пяці чалавекам прызначылі па году калоніі за ўдзел у акцыях пратэсту