Мінск страціў лідарства па заробках
У Мінску сярэдні заробак за май дасягнуў 864 даляраў у эквіваленце, а пасля выплаты падаткаў заробак складае 740—755 даляраў, і гэта не самы высокі заробак у краіне.
Фота: «Наша Ніва»
Самы высокі цяпер заробак па краіне ў Астраўцы — 955 даляраў «бруднымі» ў эквіваленце, як піша сайт banki24.by.
Прычым сярэдні заробак у Гродзенскай вобласці складае 578 даляраў да вылічэння падатку.
Самы высокі сярэдні заробак «бруднымі» ў Мінскай вобласці — 652 даляры, прычым у Салігорскім раёне — 863 даляры.
У Брэсцкай вобласці — 559 даляраў, у Віцебскай — 547 даляраў, у Гомельскай — 588 даляраў, у Магілёўскай вобласці самы нізкі заробак — 534 даляры.