Барыса Грабеншчыкова прызналі ў Расіі «замежным агентам»
Лідара гурта «Акварыум» Барыса Грабеншчыкова Міністэрства юстыцыі Расіі прызнала «замежным агентам». Маўляў, ён «праводзіў канцэрты ў замежных краінах з мэтай фінансавай дапамогі Украіне; выступаў супраць спецаперацыі ва Украіне; атрымліваў падтрымку ад замежных крыніц; жыве за межамі Расіі».
Барыс Грабеншчыкоў у Варшаве. Фота: Алена Галасій / culture.pl
Раней на Барыса Грабеншчыкова быў складзены адміністрацыйны пратакол за «дыскрэдытацыю расійскай арміі».
Легендарны спявак цяпер большую частку часу жыве ў Вялікабрытаніі, ён пераехаў туды пасля пачатку вайны ва Украіне.
Удзельнічаў у шэрагу дабрачынных канцэртаў, збор ад якіх пайшоў на дапамогу Украіне. Таксама ён як маральна, так і матэрыяльна падтрымліваў беларускіх палітзняволеных.
Гэтым разам у рэестр расійскіх «замежных агентаў» таксама патрапілі вядомы журналіст Андрэй Каравулаў і выданні «Бумага» і Sota.
Чытайце таксама:
Барыс Грабеншчыкоў падтрымаў палітзняволеную Таццяну Кузіну
Грабеншчыкоў выставіў на аукцыён сваю камізэльку. Сродкі пойдуць музыкам Irdorath