«Дом балерын». У цэнтры Мінска ў сталінцы прадаюць сапраўдную камуналку
Гэты цагляны дом на вуліцы Алаізы Пашкевіч, 5 насупраць Вялікага тэатра оперы і балета з'явіўся ў Мінску ў 1935 годзе. Падчас вайны будынак пацярпеў, але затым быў адноўлены ў стылі савецкага неакласіцызму, піша realt.by.
Пасля рэканструкцыі кватэры тут размеркавалі сярод работнікаў тэатра, якія не мелі жылля ў сталіцы. У выніку, праз тое, што ў розны час тут жылі тэатральныя знакамітасці, чатырохпавярховік сталі называць «домам балерын». Але былі тут і сапраўдныя савецкія камуналкі.
Адну з такіх былых камуналак на днях выставілі на продаж. Зразумець гэта можна ўжо па планіроўцы: доўгі калідор, пакоі з асобнымі ўваходамі і дзве прыбіральні.
Мяркуючы па фота, у кватэры і сёння жывуць розныя людзі: у кожным пакоі абсалютна розны рамонт і замкі на дзвярах. А ў кухні — дзве пліты.
Плошча кватэры — амаль 110 метраў. Кухня — 11,5 метра. Столі — 3 метры. Балкона няма.
За кватэру просяць 185 тысяч даляраў (1684 даляры за метр)
Чытайце таксама:
Мінчанка зрабіла класны рамонт у ЖК «Лазурыт». Але і грошай гэта каштавала нямала
Сучасныя лецішчы каля Мінска. Як выглядаюць і колькі каштуюць