Двое мужчын перакуліліся ў лодцы на Гомельшчыне — аднаго з іх выратаваць не ўдалося
Здарэнне адбылося 1 красавіка ў Чачэрскім раёне. У 18:00 ратавальнікі атрымалі паведамленне, што двое мужчын выпалі з лодкі на рацэ Сож каля аграгарадка Отар, піша БЕЛТА.
Супрацоўнікі МНС, якія прыехалі на месца здарэння, дасталі з вады мужчын 1970 і 1971 гадоў нараджэння.
Старэйшага з іх пасля медычнага агляду шпіталізавалі з агульным пераахаладжэннем арганізма. Малодшага мужчыну брыгада хуткай медыцынскай дапамогі спрабавала рэанімаваць, але безвынікова.