Папулярны ў Мінску сэрвіс дастаўкі прадуктаў сыходзіць на вакацыі і абяцае вярнуцца… калі-небудзь
Вядомы мінскі сэрвіс дастаўкі прадуктаў і іншых тавараў BAZAR паведаміў у сацсетках пра сыход нібыта на вакацыі, але з намёкам.
«Ён паляцеў, але абяцаў вярнуцца. Вернемся яшчэ лепшымі, калі-небудзь», — напісалі ўладальнікі сэрвісу.
Сэрвіс дастаўкі BAZAR пачаў сваю працу ў канцы чэрвеня 2020-га. Каманда праекта вырашыла адкрываць сваю краму ў густанаселеным квартале і дастаўляць усе прадукты кур'ерам за мінімальны час — 15 хвілін.
Першапачаткова стаўка рабілася на працу ў трох раёнах Мінска: «Мінск-Свет», Лебядзіны і Новая Баравая, але з 2021 года сэрвіс дастаўляў замовы ўжо па ўсім Мінску (у залежнасці ад раёна змяняўся час дастаўкі).