Мінчук дапамагаў дзяўчыне ў кавярні і стаў фігурантам крымінальнай справы
У Мінску малады чалавек прыйшоў дапамагчы сваёй дзяўчыне ў кавярню, а стаў фігурантам крымінальнай справы. Проста ў нейкі момант ён заўважыў барсетку, якую забыўся хтосьці з кліентаў.
У барсетцы знаходзілася прыстойная сума грошай (4500 даляраў ЗША і 800 еўра), якія хлопец забраў сабе.
Вядома, што затрыманы нідзе не працуе. Раней да крымінальнай адказнасці не прыцягваўся. Але цяпер распачата крымінальная справа па факце крадзяжу.