Беларусь — Албанія — 4:2
Салдаты вайсковай часці рыхтуюць поле да матчу, фота Рэгіянальнай газеты.
У Маладзечне 14 кастрычніка прайшоў адборачны матч моладзевага чэмпіянату Еўропы па футболе (узрост гульцоў — да 21 года).
Зборная Беларусі (галоўны трэнер — Георгі Кандрацьеў) разграміла каманду Албаніі — 4:2 (першы тайм — 3:0).
У беларусаў два галы на рахунку Андрэя Варанкова («Абалонь» Кіеў), яшчэ па адным забілі гульцы БАТЭ Павел Няхайчык і Максім Скавыш. У албанцаў вызначыліся Ахмед Янузі і Вілфор Хюса.
Матч пачаўся з затрымкай на 30 хвілін, бо поле было схаванае пад снежнай коўдрай.
Становішча каманд пасля 4‑х тураў: Беларусь, Аўстрыя, Шатландыя — 9 балаў, Албанія — 3, Азербайджан — 0.
Наступны матч зборная Беларусі згуляе 17 лістапада з Албаніяй у гасцях. 11 жніўня 2010 года: Аўстрыя — Беларусь, 4 верасня: Беларусь — Шатландыя, 7 верасня: Беларусь — Азербайджан.