Новы бунт мабілізаваных у Расіі, гэтым разам у Татарстане
У адным з расійскіх тэлеграм-каналаў з'явілася відэа чарговага бунту мабілізаваных расійскіх салдат. Сцвярджаецца, што яно запісанае сёння ў сталіцы Татарстана Казані.
Паводле каментароў да відэа, на ім мабілізаваныя асвістваюць і скандуюць абразлівыя лозунгі на адрас нейкага генерала.
Прычыны выступлення, як і ў іншых падобных выпадках, — кепскае стаўленне да мабілізаваных з боку камандзіраў і жахлівая сітуацыя з іх забеспячэннем.