Місія МАГАТЭ прыбыла на Запарожскую АЭС
Расійскія СМІ са спасылкай на сваіх карэспандэнтаў паведамляюць, што місія МАГАТЭ прыбыла на тэрыторыю Запарожскай АЭС.
Картэж з дзевяці аўтамабіляў з экспертамі заехаў на тэрыторыю станцыі ў Энергадары.
Расія і Украіна ўзаемна абвінавачваюць адно аднаго ў абстрэлах Энергадара. Картэж МАГАТЭ прыбыў да лініі судакранання паміж украінскімі і расійскімі сіламі, дзе затрымаўся на некалькі гадзін.
У склад місіі ўваходзіць 14 чалавек з розных краін на чале з кіраўніком арганізацыі Рафаэлем Гросі.