На БМЗ затрымалі двух супрацоўнікаў аддзела ідэалогіі
Як паведамляе тэлеграм-канал «Вольны Жлобін», у панядзелак, 29 жніўня, на Беларускі металургічны завод прыязджаў АМАП. Сілавікі затрымалі двух супрацоўнікаў аддзела інфармацыі, ідэалогіі і развіцця персаналу.
Па папярэдняй інфармацыі, затрыманых завуць Дзмітрый Арцёменка і Марыя Бажынская.
Аўтар канала «Вольны Жлобін» дапускае, што сваіх калег мог здаць галоўны ідэолаг завода, вядомы шчыраваннем на рэпрэсіўнай глебе.