У Літве зрабілі прасцейшымі правілы працаўладкавання замежнікаў
Асобам, якія шукаюць прыстанішча, і іншаземцам, якія прыбылі ў Літву нелегальна, дазваляецца працаўладкавацца або займацца самастойнай дзейнасцю праз 12 месяцаў пасля іх рэгістрацыі ў Літоўскай міграцыйнай інфармацыйнай сістэме.
Фота: Delfi
Яны павінны будуць атрымаць дазвол у службе занятасці, піша Delfi.
Замежныя грамадзяне, якія атрымалі вышэйшую адукацыю ў Літве, цяпер могуць падаць дакументы на атрыманне дазволу на жыхарства на працягу 10 гадоў пасля заканчэння ВНУ, а не двух, як было раней.
Замежнікам, якія атрымалі часовую абарону ў Літве, не трэба будзе атрымліваць дазвол на працу ад службы занятасці.
Рабочыя візы можна атрымаць, як і раней, толькі ў дыпламатычных прадстаўніцтвах Літвы за мяжой, дазвол на жыхарства на падставе працы можна атрымліваць у Літве.