У Чылі вылавілі 5-метровага селядцовага караля. Гэтая рыба лічыцца прадвесніцай катастрофы
У горадзе Арыка група рыбакоў злавіла неверагодна доўгую рыбу, якая нагадвае міфічную істоту. Лічыцца, што калі злавіць яе, то неўзабаве пачнуцца цунамі, землятрусы або іншыя катастрофы, піша Tjournal.
Ролік з селядцовым каралём апублікавалі ў Тыктоку.
Рэмень-рыбы жывуць на вялікай глыбіні і падымаюцца на паверхню толькі ў выпадку хваробы, смерці або падчас размнажэння. Глыбакаводная рыба стала часткай фальклору пасля таго, як дзясяткі селядцовых каралёў заўважылі ў Японіі незадоўга да землятрусу ў Фукусіме, які прывёў да цунамі. Цяпер карыстальнікі ў каментарыях чакаюць чарговага стыхійнага бедства.