Літоўская мытня не прапусціла 34 грузавікі з падакцызнымі таварамі з Беларусі і Расіі
11 ліпеня Літва не ўпусціла ў краіну 34 грузавыя аўтамабілі, якія перавозілі падсанкцыйныя тавары. Аўтамабілі ехалі з Калінінградскай вобласці Расіі і з Беларусі, паведамляе літоўская мытня.
Фота ілюстрацыйнае
Грузавікам, якія перавозяць запчасткі да аўтамабіляў, драўніну, мэблю, шкло і моцны алкаголь, прыйшлося вярнуцца ў Расію і Беларусь.
Літва ў выкананне санкцый Еўрасаюза забараніла транзіт праз сваю тэрыторыю тавараў, якія падпадаюць пад санкцыі і ідуць з або ў Калінінградскую вобласць. Абмежаванні распаўсюджваюцца на чыгуначны і аўтамабільны транспарт.
З 10 ліпеня ўступілі ў дзеянне санкцыйныя абмежаванні адносна новай групы тавараў, сярод якіх цэмент і алкаголь.