На пяці беларускіх вадаёмах забаранілі купацца
Санэпідэмслужба з 10 па 16 чэрвеня правяла абследаванне 342 зон рэкрэацыі. З даследаваных 665 пробаў вады 21 проба не адпавядала нормам па мікрабіялагічных паказчыках і 21 проба — па санітарна-хімічных, паведамляе Рэспубліканскі цэнтр гігіены, эпідэміялогіі і грамадскага здароўя.
Па выніках лабараторнага кантролю купанне дзяцей і дарослых забаронена на пяці вадаёмах на шасці зонах рэкрэацыі:
- зоны купання № 1 і 2 зоны адпачынку «Возера Юбілейнае» ў Гродне;
- пляж Пячэрскага вадасховішча ў Магілёве;
- пляж Грабянёўскага вадасховішча ў Магілёве;
- вадаём вёскі Вільчыцы Магілёўскага раёна;
- гарадское возера горада Клімавічы Магілёўскай вобласці.