Балгарыя адмаўляецца ад паставак зброі Украіне
Урад Балгарыі (члена НАТА і ЕС) пакуль не адгукнуўся на заклікі дапамагчы Украіне са зброяй.
Сафія прадаставіць краіне толькі гуманітарную дапамогу, ахоўныя шлемы і бронекамізэлькі, піша Bloomberg.
Пытанне аб пастаўках зброі выклікала спрэчкі ў кіроўнай кааліцыі Балгарыі.
Прарасійская Балгарская сацыялістычная партыя пагражае пакінуць яе ў выпадку паставак зброі Кіеву.
А вось правацэнтрысцкая «Дэмакратычная Балгарыя» заявіла аб выхадзе, калі паставак не будзе.