Канал «Бэйбус» ажывіў прыгоды герояў коміксаў з часопіса «Асцярожна: дзеці!»
На дзіцячым юцюб-канале «Бэйбус» цяпер можна праглядзець фантастычныя, дэтэктыўныя, камедыйныя і нават баявыя коміксы са знакамітага дзіцячага часопіса «Асцярожна: дзеці!».
«Бэйбус» ажывіў прыгоды дзяўчынкі Мары, хлопчыка Ціма, ката Тормаза, сабакі Газа і смартфона Зразіка — пастаянных персанажаў дзіцячага часопіса «Асцярожна: дзеці!»
Сам часопіс нядаўна вымушана спыніў сваё існаванне ў папяровым выглядзе.
Відэакоміксы створаныя ў падтрымку яго аўтараў — літаратара Аляксея Шэйна і «нашаніўца» Андрэя Скурко, якога нядаўна асудзілі на 2,5 гады калоніі за няправільную аплату камунальных паслуг.