Следчы камітэт Расіі распачаў крымінальную справу супраць расійскага журналіста Аляксандра Няўзорава
Аляксандр Няўзораў ад самага пачатку вайны вельмі крытычна выказваецца адносна дзеянняў расійскіх уладаў.
Няўзораву інкрымінуюць «распаўсюджванне ілжывай інфармацыі пра расейскую армію». Прычынай стала тое, што Няўзораў не пабаяўся распавесці на сваім YouTube-канале аб тым, што расійскія акупанты абстралялі радзільню ў Марыупалі.
Публікацыі суправаджаліся «недакладнымі фатаграфіямі пацярпелых ад абстрэлу мірных грамадзян».
Следчы камітэт ужо шукае Няўзорава для правядзення з ім следчых і працэсуальных дзеянняў.