ЗША ліквідавалі кіраўніка «Ісламскай дзяржавы»
Амерыканскія вайскоўцы ліквідавалі кіраўніка тэрарыстычнай арганізацыі ІД Абу Ібрагіма аль-Хашымі аль-Курайшы, заявіў прэзідэнт ЗША Джо Байдэн.
«Мінулай ноччу па маім загадзе вайскоўцы ЗША паспяхова правялі контртэрарыстычную аперацыю на паўночным захадзе Сірыі, накіраваную на абарону амерыканскага народа і нашых саюзнікаў, а таксама на тое, каб зрабіць свет больш бяспечным месцам», — гаворыцца ў заяве прэзідэнта.
Ён дадаў, што ўсе вайскоўцы ЗША вярнуліся з аперацыі.