БЕЛ Ł РУС

Кіраўніка дзяржбяспекі Казахстана затрымалі па падазрэнні ў дзяржздрадзе

8.01.2022 / 9:2

Nashaniva.com

Былы кіраўнік Камітэта нацыянальнай бяспекі (КНБ) Казахстана і экс-прэм'ер Карым Масімаў затрыманы, паведаміла прэс-служба ведамства.

ria.ru

Яго падазраюць у дзяржаўнай здрадзе. Масімава і іншых фігурантаў справы змясцілі ў ІЧУ.

Крымінальную справу завялі яшчэ 6 студзеня, удакладнілі ў Камітэце. У той жа дзень Масімава затрымалі, аднак КНБ паведаміў пра гэта толькі цяпер.

Масімаў — былы прэм'ер-міністр Казахстана, ён узначальваў урад з 2007 па 2012 год і з 2014 па 2016 год. У прамежак паміж двума тэрмінамі ён займаў пасаду кіраўніка Адміністрацыі прэзідэнта. У верасні 2016 года быў прызначаны кіраўніком КНБ.

Прэзідэнт Касым-Жамарт Такаеў зняў яго з пасады 6 студзеня на фоне масавых пратэстаў.

Чытайце таксама:

Каментары да артыкула