12-гадовага Рому, што выратаваў на пажары брата, узнагародзілі ордэнам «За асабістую мужнасць»
12-гадовы Рома Кагадоўскі ў красавіку вынес з палаючага дома ў Мядзельскім раёне малодшага брата. Хлопчык атрымаў моцныя апёкі 50% цела і шматлікія парэзы.
Мінздароўя
Ягоны стан здароўя ацэньваўся як надзвычай цяжкі. Хлопчыка выратавалі, і паўгода ён знаходзіўся на лячэнні, яму зрабілі некалькі дзясяткаў аперацый.
Кагадоўскага ўзнагародзілі ордэнам «За асабістую мужнасць», таксама ўзнагароджаныя дактары, якія лячылі хлопчыка ад апёкаў.