За суботу ў Літву не пусцілі каля паўсотні мігрантаў
На працягу суботы ў Літву не пусцілі каля паўсотні мігрантаў. Аднаму чалавеку дазволілі па гуманітарных прычынах.
Delfi
Мігранты спрабавалі перайсці мяжу ў Віленскім, Шальчынінкайскім і Варэнскім раёнах, паведамляе Delfi.
Прычым у Шальчынінкайскім раёне група мігрантаў, пабачыўшы памежнікаў на літоўскім баку, адмовілася ад сваіх намераў і вярнулася ў Беларусь.
Дзяржаўная памежная служба Літвы падкрэслівае, што памежнікі і салдаты не ўжывалі супраць мігрантаў службовую зброю або нейкія меры прымусу.
Разам з тым Дзяржаўны памежны камітэт Беларусі паведаміў, што літоўскія памежнікі на ўчастку Лідскай памежнай групы каля заставы «Доцішкі» выкінулі з краіны бежанку ў «напаўнепрытомным стане».