Амерыканскі самалёт вывез з Кабула адразу 640 афганцаў. Быў набіты бітком ФОТА
Амерыканскі ваенна-транспартны самалёт C-17 вывез з Кабула ў Катар 640 афганцаў. Пра гэта ў панядзелак увечары стала вядома карэспандэнтам выдання DefenceOne, якія атрымалі фота бітком набітага грузавога салона ад вайскоўцаў.
Усе гэтыя людзі ў хаосе, які адбываўся ў кабульскім аэрапорце, здолелі ўбегчы ў амерыканскі самалёт па адкрытай рампе.
640 чалавек — гэта больш за бяспечную нагрузку, але экіпаж самалёта вырашыў усё ж ляцець.