У ЗША пракаментавалі рашэнне Лукашэнкі перакрыць мяжу з Украінай
Улады Беларусі, закрываючы мяжу з Украінай, спрабуюць адцягнуць увагу ад парушэнняў правоў чалавека ў сваёй краіне.
Такое меркаванне выказаў прадстаўнік амерыканскай адміністрацыі высокага рангу ў гутарцы з Reuters.
Пры гэтым прэс-сакратар Белага дома Джэн Псакі ў ходзе брыфінгу не дала прамога адказу на пытанне аб рэакцыі Злучаных Штатаў.
«За апошнія некалькі тыдняў мы ўвялі шэраг санкцый [у дачыненні да Беларусі] у каардынацыі з еўрапейскімі партнёрамі. Я не бачыла гэтых паведамленняў да брыфінгу, я пагавару з нашай камандай па нацыянальнай бяспецы», — адзначыла яна.