Айчым ставіў трохгадовую дачку на грэчку, звязваў рукі сцяжкай і біў
Жахлівы выпадак адбыўся ў Клімавічах, паведамляе СК.
СК
На сітуацыю звярнула ўвагу цётка дзяўчынкі: яна пабачыла сляды збіцця на целе і адвезла ў бальніцу, а потым звярнулася ў міліцыю.
Следчыя ўстанавілі, што айчым перыядычна біў дзяўчынку за дрэнныя паводзіны, абмяжоўваў у ежы і вадзе, ставіў у кут на грэчку і звязваў рукі.
Дзяўчынка з нараджэння да трох гадоў знаходзілася ў Доме малога, а паўгода таму маці дзяўчынкі з айчымам забралі яе дадому.
З гэтага часу 25-гадовы хлопец перыядычна наносіў дзяўчынцы пабоі нібыта за дрэнныя паводзіны, прымушаў стаяць у куце на грэчцы, звязваў рукі сцяжкай альбо скотчам ды інш.
Вядома, што айчым стаіць на ўліку ў псіхіятра, а ў сям'і выхоўваецца яшчэ дзевяцімесячная дзяўчынка. Яе пакуль забралі з сям'і.
Распачалі крымінальную справу па ч. 2 арт. 154 (Катаванне, здзейсненае ў дачыненні да заведама для вінаватага непаўналетняй асобы, што знаходзіцца ў бездапаможным стане). Мужчыну затрымалі, высвятляецца дачыненне маці да злачынства.