50% дарослага насельніцтва Еўрасаюза атрымалі мінімум адну дозу вакцыны
Дзяржавы ЕС цалкам вакцынавалі ад каранавіруса каля 100 мільёнаў сваіх грамадзян. Пра гэта паведаміла кіраўніца Еўракамісіі Урсула фон дэр Ляен на прэс-канферэнцыі напярэдадні саміта G7, піша РБК.
«У мяне добрыя навіны. Сёння ў Еўропе больш за 50% дарослага насельніцтва атрымалі як мінімум адну дозу, а што яшчэ лепш — на сёння 100 млн еўрапейцаў цалкам вакцынаваліся», — сказала яна.
Паводле яе слоў, на прадпрыемствах у Еўрасаюзе з пачатку года вырабілі каля 700 млн доз вакцыны, 350 млн з якіх экспартаваныя ў 90 краін свету.