Індыйскі штам каранавіруса ў Беларусі пакуль не выяўлены
Спецыялісты РНПЦ эпідэміялогіі і мікрабіялогіі пакуль што не выявілі індыйскі штам каранавіруса ў нашай краіне, паведамляе Мінздароўя ў сваім тэлеграм-канале.
Спецыялісты адзначаюць, што па меры развіцця пандэміі COVID-19 узбуджальнік, вірус SARS-CoV-2, пастаянна эвалюцыянуе — гэта звычайны біялагічны працэс.
У Індыі штодня абнаўляюцца рэкорды па колькасці заражаных. За апошнія суткі там зафіксавана 349 тысяч выпадкаў. Прэм'ер-міністр Нарэндра Модзі апісаў сітуацыю як «каранавірусны шторм».