ЗША аднавілі санкцыі супраць «Белнафтахіма» і яшчэ 8 беларускіх кампаній
Пра гэта заявіла пасол ЗША Джулі Фішэр падчас сустрэчы са Святланай Ціханоўскай у Вільні.
Санкцыі адноўленыя супраць наступных кампаній:
- «Беларускі нафтавы гандлёвы дом»
- «Белнафтахім» і яго амерыканскі філіял
- «Белшына»
- «Гродна Азот»
- «Гродна Хімвалакно»
- «Лакафарба»
- «Нафтан»
- «Полацк Шкловалакно»
Праз 45 дзён супрацоўніцтва з гэтымі прадпрыемствамі павінна быць спынена, паведаміла прэс-служба Ціханоўскай.
Санкцыі ўводзяцца па прычыне сістэматычнага парушэння правоў чалавека ў Беларусі. ЗША заклікалі ўлады Беларусі неадкладна вызваліць усіх палітвязняў.
Раней санкцыі былі скасаваныя, але ў сакавіку 2021-га ЗША заявілі, што зноў запусцяць іх і пазбегнуць гэтага рэжым можа, калі вызваліць палітвязняў і пойдзе на дыялог з народам.