«Міцубісі» не саступіў дарогу матацыклу — байкер загінуў
Трагічнае здарэнне адбылося ў сталіцы на вуліцы Трасцянецкай.
Паводле папярэдняй інфармацыі, 10 красавіка каля 11-й гадзіны 59-гадовы кіроўца «Міцубісі» пры павароце налева не саступіў дарогу матацыклу «Ямаха» пад кіраваннем 34-гадовага мужчыны. Матацыкліст рухаўся насустрач легкавому аўтамабілю.
У аварыі кіроўца матацыкла памёр на месцы.