Ствараць палітычныя партыі дазволяць толькі грамадзянам, што жывуць у Беларусі
Пра гэта паведаміў сёння журналістам міністр юстыцыі Алег Сліжэўскі па выніках нарады ў Лукашэнкі, піша БелТА.
Алег Сліжэўскі, БелТА
«Сёння заканадаўствам устаноўлена, што заснавальнікамі і членамі палітычнай партыі могуць быць толькі грамадзяне Беларусі. Праектам закона прадугледжана, што заснавальнікамі палітычнай партыі могуць быць толькі грамадзяне Беларусі, якія пастаянна пражываюць на тэрыторыі Беларусі», — адзначыў Алег Сліжэўскі.
Ён дадаў, што, магчыма, такая ж норма будзе дзейнічаць у дачыненні да не толькі заснавальнікаў, але і сябраў партыі.
«Гэта агульнасусветны падыход, калі палітычная партыя, з'яўляючыся арганізацыяй, якая ўдзельнічае ў фарміраванні органаў улады ўнутры краіны, не можа атрымліваць фінансавання з-за мяжы і іншым чынам быць схільная ўплыву з-за мяжы», — падкрэсліў міністр.