У гомельскім гарнізоне ў лесе знайшлі цела афіцэра
Начальнік службы супрацьпажарнай абароны і аварыйна-выратавальных работ адной з вайсковых частак Гомельскага гарнізона быў знойдзены ў лесе без прыкмет жыцця, паведамляе Мінабароны.
Абставіны смерці высвятляюцца камісіяй Мінабароны сумесна са Следчым камітэтам.
Мінабароны выказвае спачуванні родным і блізкім афіцэра. Неабходная дапамога сям'і вайскоўца будзе аказана, гаворыцца ў паведамленні ведамства.