У Ждановічах затрымалі маму пяці дзяцей, дома правялі ператрус
Вольгу Залатар затрымалі сёння, калі яна ехала на аўтамабілі. Раней гэтую маму пяці дзяцей ужо затрымлівалі і судзілі некалькі разоў. У прыватнасці, яе затрымлівалі за тое, што яна адмывала мурал з выявай Паўла Латушкі, жыхара Ждановіч.
Як стала вядома «Нашай Ніве», дома ў спадарыні Залатар прайшоў ператрус, яна затрыманая. Сям'я пакуль не ведае, на якой падставе.