Лукашэнка пацікавіўся, што «зроблена для навядзення парадку ў адвакатуры»
Падчас нарады па ўдасканаленні заканадаўства ў сферы нацыянальнай бяспекі і аховы грамадскага парадку Аляксандр Лукашэнка пацікавіўся, што «зроблена для навядзення парадку ў адвакатуры». Пра гэта паведамляе яго прэс-служба.
president.gov.by
— Асноўная задача гэтага прававога інстытута — абарона законных інтарэсаў грамадзян, суб'ектаў гаспадарання. Як яны тут няўхільна выконваюць закон? — пазначыў ён пытанне.
— Але яшчэ раз падкрэсліваю, без спробаў паставіць кагосьці на калені і нахіліць. Вінаваты — адказвай, не вінаваты — ідзі працуй.
За апошнія месяцы мінімум шэсць адвакатаў былі пазбаўленыя ліцэнзій, многія з іх працавалі па «палітычных» справах. Канвеер не спыняецца, анансаваныя новыя пасяджэнні камісій. Старшыня Беларускай рэспубліканскай калегіі адвакатаў Віктар Чайчыц заклікаў адвакатаў «не лезці ў палітыку», нагадвае Tut.by.