Памёр палітолаг Уладзімір Роўда
Ва ўзросце 65 гадоў памёр вядомы беларускі палітолаг, кандыдат філасофскіх навук Уладзімір Роўда.
Фота «Новы час»
Пра смерць палітолага паведаміў журналіст Паўлюк Быкоўскі.
Уладзімір Роўда нарадзіўся ў 1955 годзе.
Кандыдат філасофскіх навук, выкладчык магістарскай праграмы «Публічная палітыка» ў Еўрапейскім гуманітарным універсітэце, кіраваў Аналітычным беларускім цэнтрам. Аўтар шэрагу даследчых і вучэбна-метадычных прац. Быў аўтарам вучэбнага дапаможніка «Параўнальная паліталогія» ў трох частках, прысвечанага аналізу найважнейшых тэарэтычных канцэпцый гэтай навукі, піша БАЖ.