Міліцыя пахвалілася затрыманнем 19 лыжнікаў пад Маладзечнам ВІДЭА
У МУС пракаментавалі паведамленні аб затрыманні лыжнікаў пад Маладзечнам.
У міліцыі паведамілі, што ў вёсцы Лешна «пад выглядам катання на лыжах сабралася група каля 20 чалавек і зладзіла несанкцыянаваны мітынг з выкарыстаннем бчб-сімволікі». 11 жанчын і 8 мужчын затрымалі.
У лыжнікаў выяўленыя сцягі і расцяжкі, балончык з фарбай чырвонага колеру, дымавая шашка, бел-чырвона-белыя парасоны.
Усе лыжнікі — жыхары Маладзечна.