Кіраўнік Еўрарады: Пакласці канец крызісу ў Беларусі можа толькі поўная прыхільнасць дыялогу
Кіраўнік Еўрапейскай рады Шарль Мішэль запэўніў беларусаў у палітычнай падтрымцы. Ён не бачыць іншага выйсця з крызісу ў краіне, акрамя дыялогу.
У сваім твітары Шарль Мішэль адзначыў, што і праз паўгода беларусы ўсё яшчэ патрабуюць, каб іх голас пачулі. Мішэль асудзіў прымяненне гвалту супраць мірных дэманстрацый і запатрабаваў вызвалення ўсіх палітвязняў.
«Толькі поўная прыхільнасць мірнаму дыялогу можа пакласці канец гэтаму крызісу», — напісаў старшыня Еўрапейскай рады.